|
|
| | Í sambandi við at endurbyggingin av býlinginum Heimi í Húsi í Koltri verður liðug, skipa Koltursgrunnurin og Tórshavnar kommuna fyri mentanardøgum við áhugaverdum tiltøkum í døgunum frá 21. til 24. juni.
Byrjað verður hósdagin 21. juni við tiltaki fyri fyri innbodnum, tá formlig handan av A.P. Møller-verkætlanini verður í Koltri á middegi. Umboð fyri arbeiðstakaran Pf. H. V. Lutzen og Koltursgrunnin vera til steðar, tá yvirtøkan verður staðfest.
Fríggjadagin 22. juni er eisini móttøka og rundvísing fyri innbodnum, tá Bjørn Patursson verður ferðaleiðari á einum túri av Gróthústanga Heim í Hús. Heimi við Hús fer Gunnar Hoydal, formaður í Koltursgrunninum, at bjóða vælkomin. Eisini luttaka umboð fyri A. P. Møller, landsstýrið og býráðið.
Leygardagin 23. juni er “opin oyggj” fyri almenninginum.
Byrjað verður kl. 10 við tiltaki í Sugguni í Kirkjubø, har seksmannafarið, sum Niclas í Koltri smíðaði í Koltri í 1927, verður doypt og fer av bakkastokki.
Kl. 13 - Seksmannafarið, sum Niclas í Koltri smíðaði í Koltri í
1936, rógvin inn á Sandin/Lónna í Koltri. Jógvan Arge
formaður í mentanarnevnd Tórshavnar Kommunu heldur røðu.
Skipað verður fyri taxasigling av Gomlurætt frá kl. 11 og so leingi sum belegningur er. Frá 11.30 eru opin hús Heimi í Húsi í Koltri og rundvísingar verða javnan, ella so ofta sum tørvur er.
Kostnaður aftur og fram kr. 200 pr.
Persón. Nærri upplýsingar um fráferðir
og túratal verður lýst á staðnum.
Mint verður á, at eingin handil
er í Koltri. Verið ferðabúgvin og havi matpakka við.
| | | | Bólkar
 Søvn
Framsýningar
Útferðir
Fundir & fyrilestrar
Ymisk kunning
Event status: Opið
Tíðarskeið: 21. jun 2012 - 24. jun 2012 | |
|
|
