|
|
| | Framsýning á Listasavni Føroya, 13. oktober – 18. november 2012:
Hanni Bjartalíð.
Málarin og myndahøggarin Hanni Bjartalíð (f. 1968) er ein av gávuríkastu
modernaðu føroysku listafólkunum. Hann gongur nýggjar leiðir, men enn
meira týðandi er, at hann ger tað á høgum listaligum støði.
Listin hjá Bjartalíð tykist rá og barnslig, sama við húsastandmyndunum úr
endurnýtsluviði, sum hann hevur arbeitt við seinastu árini, og sum eru
sermerkt íkast í føroyska samtíðarlist. Húsini eru tó alt annað enn barnslig.
Tey eru listaligar venjingar við formi, tilfari og rúmi og siga samstundis eina
søgu, ið bæði kann vera hugnalig og óhugnalig. Søga um hvønn? Ongin er jú
heima. Jú, vit sjálv eru heima, tá ið vit kaga inn! Húsini hava sál.
Húsastandmyndirnar mynda tí kjarnan í framsýningini á Listasavninum, men
eisini verða onnur verk at síggja eftir ein tann mest spennandi listamannin í
føroyskari samtíðarlist.
Eitt katalog er útgivið í sambandi við framsýningina við teksti eftir Kinnu
Poulsen adjunkt og Nils Ohrt savnsleiðara.
Framsýningin letur upp leygardagin 13. oktober kl. 14 – Ein tíma seinni, tað er
kl. 15, hevur Nils Ohrt samrøðu við Hanna Bjartalíð um list og íblástur
hansara.
Tíðarskeiðið 1. september - 30. apríl:
Týsdag - sunnudag kl. 14.00 - 17.00
Mánadag ikki opið
Atgongugjald:
- Vaksin: 50 kr.
- Lesandi: 20 kr.
- Bólkar á 10 vaksin: 40 kr. fólkið
- Limir og fólk undir 16 ár: ókeypis | | | | Bólkar
 Undirhald Konsertir
Søvn
Undirhald Konsertir Klassiskt
Ymisk kunning
Event status: Opið
Tíðarskeið: 13. okt 2012 - 18. nov 2012 | | Fyriskipari | Listasavn Føroya >>
Bústaður: Gundadalsvegur 9
100 Tórshavn
Tlf.: +298 313579
Fax.: +298 316679
Email: info@art.fo
Heimasíða: www.art.fo
|
|
|
|
