|
|
| | Frá 15. mai til 28. mai 2011 er framsýning við listakvinnuni Harriet Poulsen Vágadal í Gallarí Oynni. Harriet hevur nomið sær 3-ára listaútbúgving í Ísrael á Tel Hai Art Academy. Harriet hevur fleiri ferðir havt egnar framsýningar og luttikið á Ólavsøkuframsýningum og Várframsýningum í Havn.
Framsýningin eitur "Á Ferð".
Í 2011 eru tað ung føroysk listafólk ið sýna fram. Tað eru framsýningar sum ferðast runt í trimum støðum í Føroyum: í Havn, í Klaksvík og á Tvøroyri.
1 Annika á Lofti byrjar í Havn í februar, í Klaksvík í mars og á Tvøroyri í apríl.
2 Heiðrikur á Heygum í Havn í apríl, í Klaksvík í mai og á Tvøroyri í juni.
3 Marianna Mørkøre í Havn juni, í Klaksvík í juli og á Tvøroyri í august.
4 Sámal Blak í Havn í oktober, í Klaksvík í november og á Tvøroyri í desember.
5 Jón Sonni Jensen í Havn í desember, í Klaksvík í januar 2012 og á Tvøroyri í februar 2012.
Gallarí Oyggin hevur skiftandi framsýningar við føroyskum og útlendskum listafólkum. Bæði inni í gallarínum og uttanfyri í havanum og á parkeringsplássinum yvirav eru nógvar standmyndir, sum myndahøggari og eigari av Gallarí Oynni, Palle Julsgart, hevur gjørt. Gallaríið hevur opið hvønn dag frá kl. 14 til 18. | | | | Bólkar
 Framsýningar
Ymisk kunning
Event status: Dagligt
Tíðarskeið: 25. nov 2012 - 31. des 2013 | |
|
|
